ប្រទះឃើញសពបុរសម្នាក់ អណ្តែតទឹកនៅចំណុចស្ពានកោះបូ ភូមិសំរោងសែន ឃុំរោងសែន ស្រុកកំពង់លែង
03-March-2020 | ដោយ ពលមនសិការ
កំពង់ឆ្នាំង៖ នាថ្ងៃចន្ទ ៩កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី២ ខែមីនា ឆ្នាំ២០២០ វេលាម៉ោង ១៣នឹង៣០នាទី ឈ្មោះ ចេង ហោ ភេទប្រុស អាយុ៦០ឆ្នាំ មានទីលំនៅ ភូមិសំរោងសែន ឃុំសំរោងសែន ស្រុកកំពង់លែង ខេត្តកំពង់ឆ្នាំង បានមករាយការណ៍ជូនប៉ុស្តិ៍នគរបាលរដ្ឋបាលសំរោងសែនថា មានឈ្មោះ ហ៊ុ ហេង ភេទប្រុសអាយុ៤១ឆ្នាំ រស់នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង បានមកស្នាក់នៅនេសាទត្រីនៅចំណុចស្ពានកោះបូ ក្នុងភូមិសាស្ត្រ ភូមិសំរោងសែន ឃុំរោងសែន ស្រុកកំពង់លែង ហើយបានបាត់ខ្លួនដោយមិនដឹងមូលហេតុ។
ក្រោយពីទទួលបានព័ត៌មាន កម្លាំងប៉ុស្តិ៍រដ្ឋបាលសំរោងសែន សហការតាមរកឈ្មោះដែលបាត់ខ្លួនខាងលើ តែរកមិនឃើញ លុះដល់ថ្ងៃទី៣ ខែមីនា ឆ្នាំ២០២០ វេលាម៉ោង ៥នឹង០០នាទីព្រឹក ស្រាប់តែឃើញសពឈ្មោះ ហ៊ុ ហេង អណ្តែតឡើងនៅក្នុងទឹកនៅចំណុចស្ពានកោះបូនោះតែម្ដង ៕
ចំនួនអ្នកទស្សនា
- ថ្ងៃនេះ12811
- ម្សិលមិញ15191
- សប្តាហ៍នេះ55961
- ខែនេះ77841
- ឆ្នាំនេះ77841
- សរុប20520297